CUMINÀNZA ARCIV
Igl favrer 2023 e’gl vagnieu discuto sch’ign vigli schliear l’Uniùn Cuminànza Culturala. Igls aranschamaints ân mintgame gieu fetg blears visitaders a visitadras. Els ân demusso ca la Cuminànza â tutaveia egna muntada impurtànta an la viva szena culturala da la Val Schons. L’intenziùn da l’uniùn da promover la cuminànza ad igl lungatg rumàntsch an Schons cun organisar projects culturals vean persequito da maniera consequenta.
maletgs
fotografeias
Cafe rumàntsch an mimorgia da Silva Mark - Castelberg (1924 - 2020)
Poeseias, ragurdànzas a musica
Margis, igls 2 da satember 2025, las 19.30 uras.
Tgea da Schons, Veia da Baselgia 18, 7433 Ziràn. Amiez igls maletgs d’animals da Sämi Singer
Igl Cafe rumàntsch digls 2 da satember 2025 â liac a Ziràn. Quella santupada speziala vean organisada da la Cuminànza Culturala Val Schons, da l’Uniun rumantscha Grischun Central a da la fundaziùn Tgea da Schons. Ella vean fatga an mimorgia da Silvia Mark-Castelberg. Igl vean preligieu poeseias da l’autura c’e morta igls 10 da satember 2020.
Sämi Singer, pictur d’animals da Pignia
Exposiziùn digls 14-07-2025 antoc’igls 14-09-2025A caschùn digl 80avel aniversari da Sämi Singer preschaintan la Cuminànza Culturala Val Schons a la Fundaziùn Tgea da Schons egna schelta digls seas ple beals maletgs d’animals. L’exposiziùn â liac an la tgea da Schons a Ziràn. Ella e avierta mintgagi digls 14 da fanadur 2025 antoc’igls 14 da satember 2025 da las 12:00 a las 17:00.
Sämi Singer, naschieu igls 1945, viva digls 2005 annà a Pignia. El â scurvato la sia passiùn par la pictura pér an la vigliadetgna da 59 ons. Suainter la sia cariera da mester lenari cun agen manaschi â el cato tains a peada sco pensiunari da sadeditgear da la pictura. Sco anteriur catschadur passiuno â’l safatg egn bùn renum sco pictur d’animals lientsch sur la regiùn or.
Egna schelta da la sia ovra e da vaser sen la pagina www.samis-tierbilder.ch.
Faszinaziùn orgelet da màn da Sviz
nus schmarvagliagn, nus igl sunagn a nus igl careztgagn
Sonda, igls 9 d’avust 2025 17.00 uras
Saal Nuschpegna, Veia Filistinra 78, 7440 Andeer
Program
Igl orgelet da màn da Sviz entusiasmescha carstgàns da mintga grupa da vigliadetgna. Schibagn amaturs giuvens sco ear ple vigls amprendan da sunar que instrumaint tradiziunal da la Svizra. A l’antscheata digl aranschamaint raquenta Claudio Knüsli d’Andeer l’istorgia digl origin antocen tier igl tains da prosperitad digl orgelet da màn da Sviz. Plenavànt vean el ear a declarar la faszinànta veta interiura a la construcziùn da que instrumaint. Suainter nus spetga egna «Stubeta» d’orgelet da màn cun la «Schamser Musig» sco ear cun ulteriuras musicàntas a musicànts. Mintgegn e anvido da radir igl agen instrumaint a da sunar quel.
Muma digls 2 antocen igls 4 da matg 2025
La MUMA 2025 s’oda gea tier igl passo. Ved igl noss balteztga stand da la MUMA vainsa gieu numerusas bealas a bùnas scuntradas. Ign â scho reviver ragurdànzas ved igls dus giois agl liber an Val Schons, la „Feasta da Schons“ da 1958 a „rAmurs“ da 2013. Nus vagn savieu incantar giuven a vigl cugl noss nov gioi agl liber «Das Kraftwerk» a vagn savieu animar blearas parsùnas da sapartizipar. S’anunztgs ear tei cugl formular sen la nossa pagina d’internet a davainta part digl noss proxim gioi agl liber „Das Kraftwerk“ igl avust 2026 an la Val Schons. Nus salegragn sen te!
Nus vagn anzatge particular par vus ad igls voss giasts!
Beverin Interviews an egn cuntegn. Grandeztga digl monitur: 55 Zoll. Cun porta televisiùn & soundbar. Custs par eanda: CHF 300 (incl. indrez). Telefon: 081 252 34 41 | Telefonet: 079 461 28 04
Conto da pajamaint Cuminànza: CH84 0077 4000 1928 9450 3
Conzert cantar cun incantanti
Cun Cantar cun incantanti organisescha la Cuminànza egn cor da project, ca tgànta igls 20 da matg 2024 anzemel cugl Vokalensemble incantani an la baselgia refurmada d’Andeer.
Conzert digls 31 d’avust 2024 Martinskirche a Cuira
Conzert digls 28 da satember 2024 Baselgia refurmada a Spleia
Exposiziùn viandànta 500 ons Stadi liber Grischùn
Digls 10-08-2024 antocen igls 20-08-2024 ad Andeer. Referats ad aranschamaints culturals.
Faneastra d'Advent 2023
Cun la Faneastra d’Advent digls 2 da dezember 2023 an la Tgea da Schons feta egna lùnga relaziùn trànter la Cuminànza ad igl museum da la valada. La Tgea da Schons e vagnida ornada da la Eva Bonadurer cun decoraziùns d’Advent a Nadal. Quella atmosfera festiva, igl pintg program da cultura, las bumas ad igl vegn tgòld ân procuro par egna degna finiziùn.
Kino rumàntsch nocturn
La sera da kino digls 19 d’avust 2023 sen la plaza da scola a Pignia e vagnida deditgeada agl lungatg rumàntsch ad e vagnida organisada anzemel cun las uniùns rumàntschas USR a URGC. Las intervestas rumàntschas da Beverin Interviews, las istorgias da Dumeni Mani sur da la veta a Pignia a l’emissiùn da RTR «Direct dad Andeer» digls 1990 ân interesso bleara glieud.
Cursa da velos Andeer – Juf
La Cuminànza â sapreschanto cugl moto «Products culturals da la Val Schons» an la cursa da velos Andeer-Juf digls 13 d’avust 2023. Anzemel cun la fundaziùn Tgea da Schons, la fundaziùn Tgea da tgànt, la Casa Storica, l’uniùn Erzminen Hinterrhein a la Stiftung Autobahnkirche â ella infurmo veda dus stands da fiera sur digls projects culturals an la Val Schons.
Fanadur 23 | Beverin Interviews
An conex cun 200 ons Veia comerziala en vagnidas mussadas an la Tgea da Schons igl fanadur ad avust 2023 las intervestas da Casper Nicca c’el â fatg agl rom digl sieus project Beverin Interviews. Igl atun 2023 ân igls avdànts a las avdàntas da las tgeas da tgira a da vigls da Tgazas ad Andeer stgieu salegrar da las intervestas.
