actual
musica
ACTUAL
Qua cataz vus tut las infurmaziùns tier projects actuals da la Cuminànza Culturala Val Schons. Nus salegragn da la vossa vista.
Samstag, 15. November, 13.30 Uhr, Mehrzweckhalle Andeer
Liebe Mitwirkende und Interessierte
Die Spannung steigt – und der grosse Moment rückt näher! Bereits nächste Woche treffen wir uns zur ersten Informationsveranstaltung und damit zum offiziellen Startschuss des Freilichtspiels DAS KRAFTWERK. Freut euch auf spannende Einblicke in das entstehende Drehbuch, auf ein erstes Kennenlernen mit dem künstlerischen Team und den vielen Mitwirkenden – und natürlich auf die Vorstellung des Probeplans. Zudem lancieren wir gemeinsam einen Projektchor und starten den Vorverkauf. Es gibt auch die Möglichkeit, zu einem reduzierten Preis Ticket-Gutscheine als Weihnachtsgeschenke zu kaufen.
Das Projekt nimmt nun richtig Fahrt auf! Wir können es kaum erwarten, euch zu sehen, gemeinsam in die Dramaturgie des Stücks einzutauchen und die Energie dieses besonderen Ortes zu spüren.
Bis bald in Andeer – wir freuen uns auf euch!
Igls 08-11-2025, Nangma Valley, alpinissem a Pakistan
sonda, igls 08-11-2025, las 20.00 uras, tgea da scola a Donat
Risch Bandli von Donat, Tierarzt, und seine Ehefrau Evelyn Bähler, Produzentin bei SRF, erzählen von ihrer Reise ins Nangma Valley in Pakistan. Der Vortrag mit eindrücklichen Bildern wird in Deutsch und in Romanisch gehalten.
Silvia Mark - Castelberg (1924 - 2020)
Igls 2 da satember 2025 â la Cuminanza culturala organiso anzemel cun l'Uniun rumantscha Grischun central (URGC) igl Cafe rumàntsch an la Tgea da Schons. Quel eara deditgieu a la Silvia Mark-Castelberg (1924-2020) ad a las sias poeseias. Las poeseias ca Francesca Mark, Christian Hassler a Gierina Michael ân preligieu quella sera savez descargear qua.
Anni Nicca, istorgias da la Muntogna da Schons
L’Anni Nicca, naschida igls 1943, e egna duna cun blears talents. Ella fa betga me la miglra tartschola lientsch anturn, mo e ear egna musicànta extraordinaria. L’Anni e adigna puspe d’antupar agl costum, segi quegl cun l’orgleta da màn segl dies par egn conzert cun la capela Via Spluga near sco cantadura digl cor da dunas Stailalva. Dantànt betga me la musica stat a cor ad ella, mobagn ear igl lungatg rumàntsch. Ella scriva istorgias humoristicas or da la sia veta an Sutsilvan. Las sias duas istorgias “Tut â igl sieus bien” ad “Igls pluschagns agl scussal blau » en cumparidas agl Calender per mintga gi 2024/2025. Fe patschific a tearla sco l’Anni preligia las sias duas istorgias. Las dateias dad audio tgatas Tei qua.
Dumeni Mani (1947), raquintader d’istorgias da Pignia
Dumeni Mani â passanto tut la sia veta a Pignia. Gea d’unfànt ear’el faszino dad istorgias a getgas. El â antschiet a nudar quels raquents a las ragurdànzas da la sia veta an Val Schons. Igl e raquintaziùns genuinas d’egn oter tains, d’egn tains c’e gea davanto easter par blears da nus. Egna pintga poeseia sur digls abitànts da las vischnàncas da Schons ad egna curta istorgia da Pignia tgatas tei qua: Istorgias da Dumeni Mani
A caschùn digl Café rumantsch digls 3 da dezember 2024 a Masagn â Dumeni Mani raquinto las getgas digl «Buc da Balamburtg», digl «Curaschus da Starlera», da «l’Aua grànda se Bavugls» a digl sieus vieadi an la Republica Dominicana. Las registraziùns originalas en a disposiziùn qua: café rumàntsch.
Que project de promover igl interess pigl idiom sutsilvan a gidar tànt ad antschaviders sco ear ad avanzos da profundar lur ancunaschientschas digl lungatg.
Egn vieadi tras la Val Schons – Cudesch d’unfànts dad Andrina Beeli
Andrina Beeli, naschida igls 2000 a Lon, â scret agl rom da la sia lavur da maturitad igl cudesch par unfànts «Egn vieadi tras la Val Schons». L’istorgia tracta digl matatsch Linard, c’e oriund da Turitg a viandescha durànt las vacànzas da scola tras la Val Schons an cumpagneia digl sieus bab. Que vieadi fa’l betga propi da libra viglia a sainza telefonet ad internet. Mo igl tur sasvilupescha tut otrameing, ca quegl ca Linard veva safiguro. El scuvearta la multifariadad da la Val Schons a la curtascheia digls seas abitànts.
Que cudeschet po vagnir cumpro tier la Lia Rumantscha sut l’adressa www.liarumantscha.ch.Andrina Beeli â preligieu l’istorgia digl Linard par incumbensa da la Cuminànza Culturala Val Schons. Cugl contact Egn vieadi tras la Val Schons - mp3 pon vagnir tarlos a scargieus las singulas avanturas da vieadi digl Linard an Val Schons. Que project de svagliear igl interess pigl rumàntsch a promover las ancunaschientschas da quel da tals c’amprendan sutsilvan.
Las quater stagiùns ad ànc ampo – Vearsets par unfànts da Daniela Dolf a Sarah Gschwend
Par la sia lavur da bachelor agl curs digl studi da mussadra â Daniela Dolf rimno vearsets sutsilvans par unfànts ad urdano quels tanor temas. Sarah Gschwend â ilustro cun careztga a da maniera viva quels vearsets c’en par part ieus an amblidànza. Ansemel cun la Cuminànza Culturala Val Schons e que cudeschet ussa vagnieu publitgieu.
El po vagnir cumpro tier Buachlada Kunfermann a Tusàn, sut l’adressa info@buachlada.ch
Daniela Dolf a Christina Clopath ân preligieu igl vearsets par unfànts. Quella pon vagnir tarladas a scargeadas agl format dad mp3 cugl culiamaint «Las quater stagiùns ad ànc ampo» -mp3.
Cudesch d'unfànts: la gagliegna Florentegna
La gagliegna Florentegna e blaua, tut blaua. Igls seas fardagliùns dantànt en tuts melens. Co e quegl par la Florentegna? L'autura ad ilustratura Editha Trepp â edieu da nov anzemel cun la Cuminànza Culturala Val Schons igl cudesch d'unfànts "La gagliegna Florentegna". Ign sa cumprar igl cudeschet tier la Editha Trepp-Crottogini (edita.trepp@bluewin.ch) near teir Buachlada Kunfermann a Tusàn (info@buachlada.ch).
Editha Trepp â preligieu l’istorgia da la gagliegna Florentegna an rumàntsch ad an tudestg. Quella pon vagnir tarladas a scargeadas agl format dad mp3 cugl culiamaint «La gagliegna Florentegna – mp3».
Que project de promover igl interess pigl idiom sutsilvan a gidar tànt ad antschaviders sco ear ad avanzos da profundar lur ancunaschientschas digl lungatg.
Radunànza da cumembras a cumembers 2026
Gievgia, igls 19 da favrer 2025, da las 16.15 uras an la tgea da scola da Pignia.
